Andréa's story

Chapter-4 Sawmtei zinkawng beidawnthlak zia kan khel leh hrep hnuah kan haw ta chauh a. In ka thlen chuan ka piin rawng a lo bawl a, Ruatkimi erawh a lo inbual mêk thung. Zan lamah chuan ka zirlai zirin ka chhiar ve lauh lauh a, a khat tawkin ka thlalak print tir kha ka en leh ṭhin a, zanin chu eng nge maw ka hriat tehreng ni, ka thawveng thar riau pek a, star thar nei ang hian ka awmin ka hria. Ka ni reng bawk. Homework kan neih zawng zawng ka thiam zo a, bathroom-ah lutin ka in ti fai leh tê tê a, mut nghal mai ka tum nain ka lehkha zirna dawhkan lam ka pan leh rih a. Ka dairy phawrhin, a kara ka thlalak zeh chu ka la chhuak a, a mawi a ni. Tukverh-ah dâkin van lam chu ka hawi chho a, zanin chu thla a êng khawp a. Lungleng mi tan chuan lung ti leng vawng vawng thei khawpa mawi hian a eng a, khua chu a thiang viau bawk. Jaden thlalak ka print tir chu keng kangin ka en vang vang a. A tak ang thovin thlalakah chuan a hmelṭha. Kan in-a a lo len ṭuma varanda-a a ding lai ka lak ruk sak ...

  Chapter-3 Ka school bang ka haw chu ka ni hman nuamlo lutuk vang nge ni, ka chau hlûi thei a, kan school hmun hma leh chheh vel chu nuam viau mahse kan classroom chhung boruakin zir heklo le. Nileng deuh thaw in tlar hnung hmeichhe lam kan innghir ngho reng a, hemi te vang hian school pawh a nawm tur angin a nuam theilo ka ti mai. An chimawm in an ṭangrual mai si a, pakhatin ngei a neih tawh chuan an vai ngei a, an mi huat tak nih chu thil hlauhawm tak a niin ka hria. Zanriah kan ei hma deuh vangin zan tir aṭangin lehkha ka zir a, tukverh lam ka hawi thlak vauh vauh laiin ka pawhdawh chhunga phone awm kha ka hre chhuak a, ka la kawl reng tak e.... Ka pawhdawh chu hawng rawk rawkin phone chu ka on êng a, a la ṭat danah tui a lut lemlo anih ka ring deuh a, a battery lah chu a la tam reuh phian a, screen ka hmeh en rualin miss call a rawn tlar thla nghal dual a, hawn tumin ka thai chho ve ngawt a, password a dah miahlo! Mi phone lo en ve ngawt hi ka duh ngailo nain miss call ho chu ...

Chapter-2 Ni 28 ah exam kan zo fel a, kan exam har ang aiin kan zo hma ta phian a, ka exam pawh ka chhang ṭha ve viau chuan ka hria. Result nghah law law ka pain a ti deuh tlat a, Ruatkimi erawh an exam zo hmaa, result pawh a lam diam tawh a. Ka pi awmpuiin a bungrua nen lam a phei tawh a, nutei te nupain an lo ngaihsak ve reng thei bawk nen, ka hmanhmawh duh ta hranlo. April thla tirah kan result a chhuak a, ka result lam turin ka pa a lo kal a, mark nga chiah chiahin letter ka hmu phalo a, ka ui ru viau nain ka lungkham zui ta lemlo thung. Tlai lamah min thlahna ni pah fawmin kan inah chaw kan eikhawm a, ka classmate te nen anih vangin kan hlim dar dar hle a, Julie pawh a rawn tel ve thei nghe nghe a. Anu in a pa awmloh hlanin a rawn kal tir hi a lo ni a, a nu in haw tlailo tura a tih thu sawiin chaw ei kham veleh a haw a, a kal tur te chu ka khawngaih reuh khawp a. Mahni hringtupa ngei hlaua hetianga ralṭi em ema awm reng mai chu ngaihtuah pawh ka ngaihtuah ngamlo. Midang ho eraw...